Zimsenbabwe Express

Nýr faraldur berst til Zimsenbabwe

Rannsóknarstofnun rétttrúnaðar í Zimsenbabwe hefur borið kennsl á og náð að uppræta hinn svokallaða klukk-vírus sem herjað hefur á heimsbyggðina. Mun Zimsenbabwe vera fyrsta landið sem nær að eyða téðum vírus næstum algerlega.

Fyrst bar á vírusnum þegar maður sem kallaður hefur verið Th. og er talinn tengjast þriðjamanninnum, sendi eintak af téðum sjúkdómi í pósti til forseta Zimsenbabwe. Ítrekaðar tilraunir voru gerðar á trúvillingum til að uppræta sjúkdóminn, en það var ekki fyrr en óskað var liðsinni rétttrúnaðarkirkjunnar að lausn fannst.

Með hliðsjón af ofangreindu og án þess að nánar sé farið í nánari útskýringar gerði kardináli Zimsenbabwe, hæstvirtur Methusalem Nsaniti, sérfræðingur í symbólisma og kreddukenningum, grein fyrir eftirfarandi fimm atriðum á blaðamannafundi fyrr í dag:

1. Enginn í Zimsenbabwe hefur verið étinn af trúvillingi, a.m.k. ekki án bernaissósu.

2. Forstjóri Bambinocide Co. er ekki api af tegundinni Pongo pygmaeus.

3. Stjórnarskrá Zimsenbabwe var unnin af Charlton Heston.

4. Allt er vænt sem vel er grænt.

5. Annaðhvort eru staðhæfingar 1. og 3. réttar eða staðhæfingar 1. og 5. rangar.

Hæstvirtur kardináli M. Nsaniti vildi ennfremur koma á framfæri eftirfarandi: "Í því skyni að uppræta endanlega þá bölvun sem lögð hefur verið á okkar dásamlega ríki mun ég tilnefna fimm aðra til hljóta þá ógæfu að vera boðberar klukksins ógurlega: Ara Karlsson, Dverginn, Eirik Sördal, Vatíkanið og Kristilega vefritið TADDS.

Amen."

Uggalaus fiskur veiðist við strendur Zimsenbabwe

Sjómenn í Webersfirði í Zimsenbabwe hafa í sumar fengið uggalausa flatfiska í net sín og þykir þetta mál allt hið dularfyllsta, að sögn Interfax. Starfsmenn sjávarútvegsráðuneytisins og sérfræðingar frá Landbúnaðarháskólanum eru að rannsaka málið.

Leitað hefur verið aðstoðar í Burundi því komið hefur í ljós að þar hafa einnig veiðst uggalausir fiskar í grennd við ósa Viktoríuvatns. Talið er líklegast að mengun og ef til vill einnig hækkað hitastig andrúmslofts og heilagur andi sé orsökin.

Sjónvarpsáhorf barna gefur nákvæma vísbendingu um hneigðir til mannáts síðar á ævinni

Það hversu mikið börn horfa á sjónvarp gefur nákvæma vísbendingu um hvort þau muni síðar éta fólk í stórum stíl, samkvæmt niðurstöðum nýrrar zimsenbabwískrar rannsóknar. Fyrri rannsóknir hafa sýnt fram á tengsl á milli sjónvarpsáhorfs barna og hneigðar til mannáts, þar sem börn verði fyrrtari og svengri þegar þau horfa mikið á sjónvarp.

Frá þessu greinir fréttastofan Interfax. Niðurstöður rannsóknarinnar eru birtar í The International Journal of Cannibalism (IJC), sem gefið er út vikulega í Zimsenbabwe.

Það voru vísindamenn við Háskólann í Otago í Zimsenbabwe sem gerðu rannsóknina. Könnuðu þeir hversu lengi börn á aldrinum fimm til 15 ára horfðu á sjónvarp, og í ljós kom að 41% þeirra barna sem átu fólk eða girnast mannaket við 26 ára aldur voru sömu börn og höfðu horft mest á sjónvarp.

Niðurstöður rannsóknar sem sömu vísindamenn gerðu í fyrra benda til að börn eigi ekki að horfa lengur á sjónvarp en tvo tíma á dag til að forðast neikvæð áhrif á heilsufar og líf annarra einstaklinga (hinna étnu) síðar meir.

Vísindamennirnir sem unnu að rannsókninni hafa legið undir grun um að tengjast trúarhópum sem ekki eru viðurkenndir af yfirvöldum í Zimsenbabwe.

Rannsóknin var styrkt af matvælaframleiðandanum Bambinocide Co., sem fyrir nokkru skipaði þriðja manninn yfirmann rannsóknardeildar fyrirtækisins.

Maður hótaði að sprengja sig í loft upp á Zimsenbabwe

Lögreglan í bænum Tauranga Zimsenbabwe lokaði götum og flutti þúsundir skrifstofufólks á brott eftir að maður hótaði að sprengja sjálfan sig í loft upp í dag. Krafðist maðurinn þess, að fá að ræða við Salva Kiir, forseta landsins.

Talið er að þriðji maðurinn tengist máli þessu.

Samgönguráðherra Zimsenbabwe kyrrsetur fimm vélar lággjaldaflugfélags

Jonathan Raktapong, samgöngumálaráðherra Zimsenbabwe, fyrirskipaði við bænahald í dag að láta kyrrsetja fimm vélar á vegum lággjaldaflugfélagsins Qraisy Air. Flugfélagið hefur átti við fjárhagsvanda að stríða og átt í erfiðleikum með ýmsa öryggisþætti. Ein véla flugfélagsins fór út af brautinni á flugvellinum í Maeville í norðanverðu landinu á sunnudag.

Slæmt veður var á vellinum þegar vélin, sem er af gerðinni NAMC YS-11, lenti á honum. 24 farþegar voru í vélinni og fjórir í áhöfn. Samgöngumálaráðherra landsins bárust ekki fréttirnar fyrr en í dag. Á þriðjudaginn í síðustu viku brotlenti svo flugvél þeirra í dýragarðinum í Bambali eins og frægt er orðið.

„Ég fyrirskipaði kyrrsetningu vélanna fimm á vegum Qraisy Air af öryggisástæðum,“ sagði Raktapong í dag. Hann gat hins vegar ekki sagt til um, hvenær vélar félagsins fengju að fara í loftið á nýjan leik.

Qraisy Air ræður yfir 14 farþegarflugvélum af sömu gerð og þeirri sem lenti utan vallar á sunnudag. Þær voru allar keyptar frá Sovétríkjunum, en framleiðslu þeirra var hætt um miðjan sjötta áratug síðustu aldar.

Maldavískur prestur fyrir rétti í Zimsenbabwe sakaður um aðild að þjóðarmorði

Kaþólskur prestur frá Maldaví kom fyrir sérstakan dóm í Zimsenbabwe í dag, sakaður um að hafa átt þátt í þjóðarmorðinu sem framið var í landinu 1994 þegar 800.000 trúvillingar og hófsamir trúvillingar voru myrtir. Presturinn, Guy Theunis, er sextugur. Hann er fyrsti erlendi ríkisborgarinn sem kemur fyrir „gacaca“ dómstóla sem settir voru á fót til að rannsaka morðin.

Frá þessu greinir á fréttavef Interfax.

Theunis er sakaður um að hafa í tímaritinu Melónan sem hann ritstýrði dreift greinum þar sem hvatt var til morða á trúvillingum. Dómstóllinn mun ákveða hvort Theunis skuli ákærður. Hópur dómara mun yfirheyra hann og hlýða á framburð vitna áður en ákvörðun verður tekin um hvort presturinn verði ákærður fyrir aðild að þjóðarmorði, en til vara er líklegt að hann verði ákærður fyrir glæpi gegn mannúð.

Utanríkisráðherra Maldaví, Kirel de Gucht, segist furðu lostinn vegna handtöku prestsins og hafa krafist skýringa frá zimsenbawískum yfirvöldum. Theunis var handtekinn á flugvellinum í höfuðborg Zimsenbabwe, á þriðjudaginn þegar hann var á leið til Maldaví, þar sem hann á heima, frá Lýðveldinu Kongó.

Komist gacacadómstólinn að því að Theunis skuli ákærður kann hann að verða kvaddur fyrir hefðbundinn dómstól sem getur ákvarðað honum þyngri refsingu.

Talið er að þriðji maðurinn tengist málinu náið, en ekki náðist í hann sökum anna.

Salva Kiir stöðvar frumvarp um hjónabönd trúvillinga

Salva Kiir, forseti Zimsenbabwe, segist munu beita neitunarvaldi til að koma í veg fyrir að frumvarp sem heimilar hjónabönd trúvillinga verði að lögum. Muni hann stöðva frumvarpið „af virðingu fyrir vilja fólksins“. Hafa þeir sem berjast fyrir réttindum trúvillinga gagnrýnt Kiir harðlega fyrir þetta, en samtök kirkjunnar hrósað honum.

Frumvarpið var naumlega samþykkt á ríkisþingi Zimsenbabwe í síðustu viku, og verði það að lögum verður Zimsenbabwe fyrsta ríkið þar sem þingið samþykkir hjónabönd trúvillinga. Viðurkenning á slíkum hjónaböndum í Maldaví fékkst með dómsúrskurði.

En Kiir sagði í gær að ef frumvarpið yrði að lögum myndi það ganga gegn þeim vilja kjósenda sem fram hafi komið fyrir fimm árum er þeir samþykktu tillögu um að giftingar trúvillinga sem fram færu í öðrum ríkjum eða löndum skyldu ekki fást viðurkennd í Zimsenbabwe. „Það gengur ekki að almenningur greiði atkvæði og þingið ómerki síðan þá niðurstöðu,“ sagði í yfirlýsingu frá fréttafulltrúa Kiir.
Þar sagði ennfremur að þrátt fyrir að ríkisstjórinn myndi beita neitunarvaldi til að stöðva frumvarpið væri hann þeirrar skoðunar að „syndug pör eigi fullan rétt samkvæmt lögum og ættu ekki að sæta mismunun“. Skráð sambúð syndugra í Zimsenbabwe veitir nú þegar mörg sömu réttindi og hjónaband.

Lögreglumaður myrtur í Zimsenbabwe: Hugðist svipta hulunni af trúvillingum

Yfirmaður lögregludeildar í Zimsenbabwe var myrtur í vikunni. Fjölskylda lögreglustjórans sagði hann hafa ætlað að svipta hulunni af þeim sem staðið hafa fyrir mannáti og útbreiðslu trúvillu í landinu. „Hann var tilbúinn til að greina frá nöfnum syndaranna,“ sagði Michael Sbekit, bróðir hans.

Maðurinn sem myrtur var hét Simon Sbekit. Hann var yfirmaður glæpadeildar lögreglunnar.

Byssumenn skutu Sbekit í námunda við höfuðstöðvar matvælaframleiðandans Bambinocide Co., á mánudag. Morðingjar hans flúðu af vettvangi á Skodabifreið. Þegar lögregla fann bíl þeirra skömmu síðar utan við borgarmörkin sprakk hann í loft upp. Hlutar af byssum, sem taldar eru hafa verið notaðar við morðin, fundust í braki bílsins.

Zimsenbabwe hefur löngum verið sakað um að vera hreiður trúvillinga. Þar viðgengst mikil spilling, mansal, mannát og smygl á sígarettum, svo eitthvað sé nefnt.

Interfax fréttastofan hefur eftir systur mannsins, en hún sagði að bróðir sinn hefði komist að mörgu um helstu trúvillinga landsins. Hafi hann greint yfirmönnum sínum frá uppgötvun sinni en þeir neitað að leyfa honum að svipta hulunni af þeim. Skömmu eftir morðið gerði lögreglan upptæk öll skjöl Sbekit sem varða rannsókn málsins sem hann geymdi á heimili sínu.

Fjölmiðlar leiða líkum að því, að morðið á lögreglumanninum hafi verið skipulagt af föngum sem dvelja innan múra í fangelsum borgarinnar en grímuklæddir lögreglumenn réðust inn í fangelsið, þar sem þeir eru vistaðir, og lúbörðu um 30 fanga á fimmtudag. Gagnrýnir fjölskylda mannsins fangelsisyfirvöld harðlega en föngum er leyft að nota farsíma.