Zimsenbabwe Express

Fréttaskeyti: Menntamálaráðuneyti Zimsenbabwe hefur nú hafið, eftir fjölda ábendinga, opinbera rannsókn á leikskólanum Sæborg sem starfræktur hefur verið í útjaðri höfuðborgarinnar um nokkurt skeið. Flestar ábendinganna voru frá foreldrum barna sem vorum með börn sín í gæslu á leikskólanum. Eftir nokkra mánaða vist á Sæborg fóru börnin að sýna einkennilega vélræna hegðun og mónótóníska raddbeitingu, oft í skipanatón. Svo viriðst einnig sem stór hluti barnanna sem vistuð hafa verið á leikskólanum þurfi ekki svefn, en séu þeim mun ásæknari í hvers konar rafmagnsinnstungur, batterí og rafgeyma. Einnig hafa sum börnin orðið hændari að ýmsum vélrænum hlutum frekar en sínum eigin foreldrum.

Forstöðumaður leikskólans vísaði ásökunum fréttamanna á bug á blaðamannafundi nýverið og sagði vísbendingar um óeðlilega hegðun barna er hafa verið í gæslu á Sæborg byggðar á getgátum. Athygli vakti að í lok blaðamannafundarins kom mikið fát á fulltrúa Sæborgar er forstöðumaður leikskólans hóf að endurtaka orðin "ÞIÐ VERÐIÐ VÉLVÆDD - SÆBORG ER FRAMTÍÐIN". Var fundinum snarlega slitið í kjölfarið.

Formaður nefndarinnar, sem fara mun ofan í mál leikskólans Mr. Rob Ottix, segir niðurstöðu megi vænta innan tíðar.