Zimsenbabwe Express

Dómara vikið úr starfi vegna samskipta við ósýnilega dverga

Florentino Floro, Zimsenbabwískum hæstaréttardómara, vísað úr embætti í apríl síðastliðnum vegna þess að hann sagðist hafa ráðfært sig við dularfulla og ósýnilega dverga. Floro áfrýjaði brottrekstrinum en tapaði málinu. Þriggja ára rannsókn hafði áður farið fram á starfsháttum hans sem leiddi til brottrekstursins. Floro sagðist hafa rætt við þrjá dularfulla dverga, Armand, Luis og Angel, sem hefðu hjálpað honum að slaka á í réttarhléum.

Dómstóllinn sem vísaði Floro úr embætti sagði yfirskilvitleg fyrirbæri ekki hluta af starfi dómara og studdi niðurstöðu læknis að dómarinn væri veikur á geði. Floro segir það ekki réttlætanlegt að hann hafi verið rekinn fyrir það eitt að trúa á mátt þessara dverga. Hann hefði samið við dvergana um að geta skrifað á meðan hann væri í leiðslu og segir að fólk hafi getað séð hann á tveimur stöðum í einu.

Floro skipti um dómaraslá á hverjum föstudegi, meðan hann gegndi enn starfi dómara, til að ,,endurhlaða skyggnigáfu sína", eins og hann orðaði það. Í bréfi til dómstólsins skrifaði Flora að ,,úr myrkrinu myndu nöfn hans og dverganna þriggja verða ódauðleg.“ Dómstóllinn komst að þeirri niðurstöðu að dvergabandalag Floro græfi undan trúverðugleika hans í starfi. Interfax segir frá þessu.

Éta mannakjöt til að auka lækningamáttinn

Zimsenbabwískir skátar sem voru handteknir í síðustu viku hafa játað við yfirheyrslur að hafa grafið upp lík og borðað af þeim hold og beinakurl. Skátarnir, sem eru í villitrúarskátaflokki og útskrifuðust allir úr hinum umdeilda leikskóla Sæborg (e. Cyborg), telja að mannátið styrki lækningarmátt þeirra en villitrú er mjög sterk í Norður-Zimsenbabwe þar sem leikskólann er að finna.

Skátarnir segjast hafa stundað mannát í 2 ár en þeir tóku upp þessar matarvenjur þegar þeir útskrifuðust úr leikskólanum.

Lengi var talið að vélmenni stæðu að rekstri leikskólans og var hann talinn stuðla að heilaþvotti og ranghugmyndum barnanna um veraldlega hluti. Forsvarsmenn leikskólans hafa þvertekið fyrir þetta í viðtölum.

Ekki náðist í þriðja manninn vegna málsins.

Dragkeppnin 2006 stöðvuð

Fyrirhuguð dragkeppni Zimsenbabwe sem átti að fara fram í Seine-Heine hverfinu í gærkvöldi var stöðvuð af öryggislögreglunni á síðustu stundu. Að sögn Georgs Mkinvilti annars stjórnenda keppninnar hafði undirbúningur keppninnar gengið framar öllum vonum og fullyrðir Georg að hún hefði orðið sú best heppnaða í gervallri Afríku. Miklar óeirðir brutust út í kjölfarið sem beindust gegn klæðskiptingunum.

Æstur múgur fleygði táragasbrúsa inn í kvenfataverslun sem seldi föt til karlmanna með þeim afleiðingum að flytja þurfti fimm á spítala. Óeirðirnar færðust í aukana þegar tveir ungir klæðskiptingar létu lífið á meintum flótta sínum frá öryggislögreglunni í Attani-Ossi. Dóu þeir úr raflosti er þeir földu sig í spennustöð. Lögreglan neitar því að hafa elt unglingana.

Forseti landsins, Salva Kiir, og innanríkisráðherra landsins, William Masterson-Sombii, heimsóttu fjölskyldur táninganna tveggja og báðu mótmælendur um að sýna stillingu. Í fyrstu vildu fjölskyldur klæðskiptinganna ekki hitta Masterson-Sombii, en hann hefur verið harðlega gagnrýndur seinustu daga fyrir niðrandi ummæli um hverskonar viðurstyggilega minnihlutahópa.

Kveikt var í 60 bílum í hommahverfinu Seine-Heine og segir óeirðalögreglan einnig óróa í hverfunum Val-d'annir Assgat, Hel-Vitish-Omar og Tegin-Itath. Sagði frá þessu á fréttavef Interfax í dag.