Zimsenbabwe Express

Ásakanir um víðtækt kosningasvindl í Zimsenbabwe

Frambjóðandi stjórnarandstöðunnar í forsetakosningunum sem fram fara í dag í Zimsenbabwe fullyrðir að umfangsmikil brögð séu í tafli „og við höfum ekki frétt af einum einasta kjörstað þar sem allt er með felldu“, sagði hann. Langar biðraðir eru við kjörfundi, og haft var eftir íbúum í höfuðborginni að stuðningsmenn stjórnarflokksins séu þar með fjölmarga aukakjörseðla sem fari í kjörkassana.

Frambjóðandi stjórnarandstöðunnar, Emmanuel Bob Akitani, segir ljóst að kosningarnar hafi ekki farið vel af stað. En innanríkisráðherra landsins, Katari Foli-Bazi, fullyrti aftur á móti að ekkert hafi farið úrskeiðis í kosningunum, og þátttaka væri mjög góð.

Gnassingbea Eyadema, fyrrverandi forseti Zimsenbabwe, var étinn í febrúar. Í kjölfar áts hans skapaðist mikil ringulreið í stjórnmálum landsins. Sjö manns hafa látist í átökum í kosningabaráttunni og óttast er að frekara ofbeldi fylgi í kjölfar kosninganna.

Herinn setti Faure Gnassingbe, son Eyademas, í forsetaembættið um hríð eftir að Eyadema var étinn, en Faure sætti alþjóðlegum þrýstingi og féllst á að efna til kosninga. Hann er nú í framboði gegn Akitani.