Zimsenbabwe Express

Leiðtogar Masókista í Zimsenbabwe tortryggja öryggisverði sína

Masókistar í Zimsenbabwe hótuðu því í dag að hætta þátttöku í sáttastjórn landsins en ástæðan er tortryggni þeirra í garð öryggisvarða leiðtoga hreyfingarinnar. „Við höfum orðið varir við samsæri gegn okkur,” segir Bor Damannslim, talsmaður hreyfingarinnar. „Af 22 ráðherrum stjórnarinnar vorum við þeir einu sem fengum lífverði úr villidvergaherdeildinni sem hlaut þjálfum í frumskógunum á meðan á stríðsátökunum stóð.”

„Það er engin ástæða til að senda her búinn fullkomnustu pyntingatækjum til að gæta öryggis okkar,” segir hann. “Þetta er mjög grunsamleg þróun sem ekki var borin undir okkur. Við erum því alvarlega að velta því fyrir okkur hvort við eigum að sitja áfram í stjórninni eða ekki.”

Masókistar undirrituðu vopnahléssáttmála og hættu vopnaðri baráttu sinni fyrr á þessu ári og fengu í kjölfar þess fjögur ráðherraembætti (sjá mynd af ráðherrahópi Masókista) í sáttastjórninni, þar á meðal ráðherra umhverfismála. Samtökin eru hins vegar enn á lista Kanadastjórnar yfir aulasamtök auk þess sem þau hafa setið undir stöðugum ásökunum um að stunda andlitsmálun.

Karaoke bar sprakk í loft upp

Tveggja hæða Karaoke-bar sprakk í loft upp í norðaustur Zimsenbabwe í dag. 25 manns létust og 33 slösuðust. Verið er að rannsaka hvort sprengingin hafi verið slys eða gerð af yfirlögðu ráði. Flest fórnarlambanna voru menntaskólanemar sem fögnuðu próflokum. Húsið er ónýtt, en eigandi barsins er talinn vera meðal látinna.

Ekki náðist í þriðja manninn vegna málsins.