Zimsenbabwe Express

Stjórnartíðindi Zimsenbabwe birta hér með: Frumvarp til laga um breytingar á lögum nr. 33/2003 um samningsveð og fleira sniðug. Lagt er til að í stað greinarinnar 15b. sem er svohljóðandi:

“15b. gr. Hverjar almennar fjárkröfur verða veðsettar.
1. Almenna fjárkröfu, sem maður á á hendur nafngreindum skuldara, er heimilt að veðsetja. Hið sama á við um almenna fjárkröfu sem tiltekinn aðili kemur til með að eignast á hendur nafngreindum skuldara í sérstöku réttarsambandi.
2. Með almennri fjárkröfu er átt við fjárkröfu sem hvorki er viðskiptabréfskrafa né krafa samkvæmt innlausnarbréfi."

Komi ný grein sem hljóði svo:

“15b. gr. Hverjar almennar fjárkröfur verða handveðsettar.
1. Almenna fjárkröfu, sem maður á á hendur nafngreindum skuldara, er heimilt að handveðsetja. Hið sama á við um almenna fjárkröfu sem tiltekinn aðili eða ótilgreindur maður og jafnvel þriðjimaður kemur til með að eignast á hendur nafngreindum og/eða ónafngreindum eða greindarskertum skuldara í sérstöku réttarsambandi (sui generis). Skal þetta allt saman kallast handveð.
2. Með almennri fjárkröfu er átt við fjárkröfu sem er viðskiptabréfskrafa, krafa samkvæmt innlausnarbréfi, lifandi bústofn, kjúklingar, hanar, hænur og ungar, eða hvaðeina það sem ykkur dettur í haus."

Athugasemdir við lagafrumvarp þetta
Ráðamenn landsins hafa tekið eftir því að lög um samningsveð reynast mörgum flókin og þá sérstaklega þegar um er að ræða veðsetningu á almennri fjárkröfu, sem furðu margir rugla saman við handveð. Er því ofangreind lagabreytingartillaga verið lögð fram, enda er hún til þess falllin að fækka mistökum í veðgerningum milli manna eða fyrirtækja, hér í landi. Að öðru leyti þarfnast lagafrumvarp þetta ekki skýringa. Frumvarp þetta er tileinkað B.B. -Foringinn biður að heilsa ömmu þinni.

FRÉTTASKEYTI: Upp hefur komist um alvarleg brot á hinni skipulagslegu aðgreiningarreglu í stjórnkerfi Zimsenbabwe. Veðurstofustjóri ríkisveðurstofunnar, James Mbegi sem nýverið hefur verið greindur með sífillis í heila, tók sér skyndilega dómsvald og framkvæmdavald í hendur er hann dæmdi til dauða og tók af lífi tvo veðurfræðinga og einn ritara í starfsliði sínu. Hafði annar veðurfræðinganna m.a. unnið sér það til "sakar" að spá hvítum jólum, en sem kunnugt er var heiðskírt og 15 stiga hiti seinasta aðfangadag, þjóðinni og Foringjanum til mikilla armæðu.