Skilorðsbundið fangelsi fyrir að stela útvarpsklukkuHæstiréttur Zimsenbabwe hefur dæmt karlmann í 10 mánaðar skilorðsbundið fangelsi fyrir að stela útvarpsvekjaraklukku, að verðmæti 990.000 zbatki, í verslun Rúmfatalagersins í höfuðborginni.
Fram kemur í dómnum, að maðurinn játaði brot sitt. Hann hafði fyrir réttu ári fengið 10.000 þúsund zbatki sekt fyrir annan þjófnað.
Eiginkona upplýsingaráðherrans undirstrikar alþjóðadag fjölmiðlafrelsis með sérstökum hættiLucy Kibaki, eiginkona Mwai Kibaki upplýsingaráðherra Zimsenbabwe, og öryggisverðir hennar réðust inn á ritstjórnarskrifstofur stærsta dagblaðs landsins í nótt. Þar læstu þau öllum dyrum og tóku farsíma af starfsmönnum á meðan frú Kibaki lét skömmum rigna yfir þá. Þá sló hún myndatökumann og krafðist handtöku fréttamanns sem hafði skrifað neikvæða frétt um hana.
Wangethi Mwangi, ritstjóri blaðsins, segir Kibaki og fylgdarlið hennar hafa verið á á skrifstofum blaðsins frá því um miðnætti og fram til klukkan fimm í morgun og að þau hafi haft minnisbækur, upptökutæki og myndavélar á brott með sér er þau yfirgáfu staðinn. Þá segir hann frú Kibaki hafa slegið margverðlaunaðan myndatökumann sem reyndi að festa uppákomuna á filmu.
Umfjöllun fjölmiðla um Kibaki um helgina mun hafa reitt hana til reiði, en þá er hún sögð hafa reynt að fá lögreglu til að binda enda á veislu fráfarandi fulltrúa landsins hjá Alþjóðabankanum, sem býr í næsta húsi við forsetahjónin, þar sem henni hafi fundist tónlistin of hávær.
Mwangi segir atvikið dæmi um þær aðstæður sem fréttamenn í landinu búi við, en dagurinn í dag er alþjóðadagur fjölmiðlafrelsis. Alfred Mutua, talsmaður forsetans, neitaði hins vegar að tjá sig um atvikið í morgun.