Zimsenbabwe Express

In dubio pro Zimsenbabwe

Saturday, April 21, 2007

 
Kosningaréttur kvenna afnuminn í Zimsenbabwe

Réttlætis- og sannleikaráðherra Zimsenbabwe hefur með tilskipun undirritaðri af hinum háeðla háheilaga og alupplýsta einvaldi afnumið kosningarétt kvenna til ráðgjafarþingsins í Nookah. Kosningaréttur kvenna hefur staðið raunverulegri jafnstöðu og jafrétti fyrir þrifum. Mat ráðherrans og sérfræðinganefndar hans er að hið formlega jafnrétti sem felist í almennum ókynbundnum kosningarétti sé innihaldslaust þegar efnislegt jafnrétti er ekki fyrir hendi í samfélaginu.

Hinn formlegi réttur muni, sem hann hefur gert til þessa, einungis endurspegla hið efnislega óréttlæti en ekki breyta því. Hinar kúguðu konur afsali sér ávallt kosningaréttinum í hendur karlmanna með því að veita karlmönnum brautargengi í prófkjörum og karllægum valdaflokkum stuðning í kosningum. Með þessum hætti eru konur án raddar, án fulltrúa á ráðgjafarþinginu. Karlmenn geta aldrei orðið fulltrúar kvenlegs veruleika, jafnvel þótt þeir hafi atkvæði kvenna að baki sér. Þrælslund og þrælsótti kvenna við karlmenn geri kosningaréttinn óvirkan, hin formlega tilvist hans sveipi hins vegar dulu yfir hina kynbundnu lýðræðisskekkju í samfélaginu og standi því raunverulegum réttarbótum fyrir þrifum. Þörfin fyrir úrræði og aðgerðir sé vanmetin.

Í stað hins almenna kosningaréttar kvenna mun sérstök lýðræðisnefnd kvenna skipuð sérfræðingum í kvennafræðum við Hofgyðju háskólann í Nookha úthluta helmingi allra sæta á ráðgjafaþinginu til kvenna sem hafa nægilega kynvitund og lýðræðisþroska til að vinna að framgangi kvenlægrar hugsunar og hagsmuna. Judith Goldspaan- Mawumbu (sjá mynd), prófessor í kvennamálfræði mun veita nefndinni forstöðu.

Friday, April 20, 2007

 

Vélmenni í stöðugri þróun

Ný og þróaðri tegund vélmenna sem framkvæma ekki einungis fyrir fram forritaðar aðgerðir heldur bregðast við umhverfi sínu á margvíslegan hátt eins og mannskepnan er að ryðja sér til rúms.

Vísindamenn við Háskólann í Zimsenbabwe undir forystur Dr. Aslari kynntu á dögunum vélmennið Dab 2000 (sjá mynd) sem er það fyrsta sem er gætt slíkri hæfni. Dab 2000 er búið tveimur Canon myndavélum sem líta út eins og mannsaugu. Myndavélarnar eru tengdar 12 Nintendotölvum sem vinna úr því sem fyrir þær ber. Dab 2000 getur greint útlit hluta, gripið þá með örmum sínum og flokkað þá.

Vélmennið er þó aðallega hannað með náin samskipti við trúvillinga og skilning á mannlegu óeðli í huga, eitthvað sem til þessa hefur einungis þekkst í meðal trúvilltra. Vélmennið er sérstaklega næmt á andlit dverga og barna og getur greint einföldustu tilfinningar út frá svipbrigðum og hljóðum. Þegar einhver grætur eða hlær í kringum Dab 2000 beinir það athygli sinni að viðkomandi og „skilur" tilfinningar hans. Vélmennið er þó ekki svo þróað að geta samhryggst eða hlegið með.

Thursday, April 19, 2007

 

Útgefendur Biblíunnar myrtir í Zimsenbabwe

Zimsenbabwíska óeirðalögreglan hefur nú tíu manns í haldi í tengslum við árás á kristilega bókaútgáfu þar sem þrír starfsmenn útgáfunnar voru myrtir á hrottafenginn hátt. Fórnarlömbin sem voru tveir apar og einn trúður fundust bundin á höndum og fótum og skorin á háls.

Útgáfufyrirtækið dreifir biblíum og hafa morðin að sögn fréttskýrenda í Zimsenabwe vakið áhyggjur í Afríku þar sem menn óttast að óeirðalögreglan geti ekki gætt öryggis minnihlutahópa í landinu.

Mennirnir sem í haldi eru grunaðir um ódæðið eru allir á aldrinum 19 til 20 ára og á þeim fundust bréf þar sem stóð: „Við fimm erum bræður (í trúnni). Við erum á leið út í opinn dauða. Óvíst er hvort við snúum aftur."

Ekki náðist í þriðja manninn vegna þessa máls.

Archives

04/01/2004 - 05/01/2004   05/01/2004 - 06/01/2004   06/01/2004 - 07/01/2004   07/01/2004 - 08/01/2004   04/01/2005 - 05/01/2005   05/01/2005 - 06/01/2005   07/01/2005 - 08/01/2005   08/01/2005 - 09/01/2005   09/01/2005 - 10/01/2005   10/01/2005 - 11/01/2005   11/01/2005 - 12/01/2005   12/01/2005 - 01/01/2006   01/01/2006 - 02/01/2006   02/01/2006 - 03/01/2006   03/01/2006 - 04/01/2006   04/01/2006 - 05/01/2006   05/01/2006 - 06/01/2006   06/01/2006 - 07/01/2006   07/01/2006 - 08/01/2006   08/01/2006 - 09/01/2006   09/01/2006 - 10/01/2006   10/01/2006 - 11/01/2006   11/01/2006 - 12/01/2006   12/01/2006 - 01/01/2007   02/01/2007 - 03/01/2007   04/01/2007 - 05/01/2007   07/01/2007 - 08/01/2007   10/01/2007 - 11/01/2007   12/01/2007 - 01/01/2008   03/01/2008 - 04/01/2008   04/01/2008 - 05/01/2008   07/01/2008 - 08/01/2008   10/01/2008 - 11/01/2008   09/01/2009 - 10/01/2009   02/01/2013 - 03/01/2013  

This page is powered by Blogger. Isn't yours?