Zimsenbabwe Express

Svín réðust á sirkusdverg og átu hann lifandi

Svín átu fimmtán ára gamlan dverg lifandi við útjaðar Nookah, höfuðborgar Zimsenbabwe. Dvergurinn hafði farið á flakk á meðan afgangurinn af sirkusi hans var innandyra að snæða hádegisverð.

Þegar yfirmaður hans fór að leita að honum sá hann að svín frá nálægum búgarði voru að naga eitthvað og í framhaldinu sá hann tætt föt dvergsins, skotthúfu og röndótta hanska, að því er segir á fréttavef Interfax. Búgarðurinn mun vera í eigu viðskiptarisans Bambinocide Inc.

Yfirmaður sirkusins kastaði steinum í svínin sem réðust á hann. Nærstaddur sverðagleypir kom honum til bjargar eftir að þeir heyrðu í neyðarópi hans. Svínin voru öll drepin á staðnum og kom lögreglan að þeim með sverð í kjaftinum.

Starfsmenn sirkusins sögðu við lögregluna að hann hafi haldið á brauði með remúlaði, og er mögulegt að það sé ástæðan fyrir því að svínin réðust á hann. Lögreglan hefur ekki handtekið eiganda svínanna en hann er sakaður um að hafa með vanrækslu sinni orðið valdur að dauða dvergsins.

Aðrir hafa haldið fram að atvikið sé óprúttinn auglýsingabrella, þar sem sirkusinn hefur átt í fjárhagserfiðleikum undanfarið eftir að ljónatemjari hópsins gekk berseksgang ásamt drukknum ljónum sínum í bænum Mutare.

Ekki náðist í þriðja manninn vegna málsins.

Fóstruráð hinnar upplýstu alræðisstjórnar Zimsenbabwe hefir ályktað:

Framvegis er öllum fjöl-og einmiðlum, ljósvaka- og prentmiðlum, hvort sem eru í ríkis eða einkaeigu, að hálfu eða heilu, öllu eða engu, meinað að kyngreina fólk í fréttaflutningi sínum. Kyngreindar fréttir ala á kynbundnum staðalímyndum og fordómum. Dæmin sýna, svo ekki verður um villst, að tíðar fréttir af nauðgunum, misneytingum og öðrum ofbeldisverkum karlmanna ala á þeirri staðalímynd að karlar séu nauðgarar og misneytendur og karlgera valdmenninguna. Nauðgarinn og misneytandinn verður að órjúfanlegum þætti í félags- og sjálfsmynd karlmanna og hvetur þá til nauðgana og misneytinga eigi þeir að uppfylla karlmennsku sína. Konur eru hvattar, að sama skapi, til að vera fórnarlömb nauðgana og misneytinga, einungis með því séu þær trúar eðli sínu sem þolendur, verknaðarandlag karlmanna. Þetta eru hinir sjálfhverfu kynjafordómar. Hinir úthverfu kynjafordómar birtast í tortryggni kynja í millum sem birtast með þeim hætti að konur víla það fyrir sér stíga upp í bíla með ókunnugum mönnum af ótta við að þær muni verða fórnarlömb nauðgana og misneytinga. Þetta altæka bann er að áliti Ráðsins eina leiðin til að kveða hina hefðbundnu eðlishyggju sem heldur uppi kynjagoðsögnum í kútinn.

Enn fremur beinir Ráðið, undir forystu Benjamin N. Oname (sjá mynd) þeim tilmælum til allra fyrrgreindra miðla, en aukinheldur framleiðenda námsgagna fyrir grunn- og framhaldsskóla, að fréttir og frásagnir af glæpum, hernaði, styrjöldum og mannréttindabrotum í erlendum ríkjum verði með öllu aflagðar þar sem þær kynnu að ala á útlendingaandúð meðal þegna Zimsenbabwe.

Eins og ofangreind dæmi sanna og almennar vísindalegar rannsóknir hafa sýnt með óyggjandi hætti er fólki ekki treystandi til að draga skynsamlegar ályktanir út frá sértækum en þó iðulega sláandi undantekningartilfellum. Fólk hefir þvert á móti tilhneigingu til að heimfæra hið sértaka yfir á hið almenna.

Fóstruráðið telur að með þessum hófsömu aðgerðum verði hægt að bjarga íbúum upplýsta alræðisríkissins Zimsenbabwe frá ótta fáfræðinnar til öryggis hinnar vísindalegu aðferðar.

Ísland ætlar að opna sendiráð í Zimsenbabwe

Fyrrum þingkonan og þekktur afrósentric, Guðrún Ögmundsdóttir, sór embættiseið fyrr í dag, en hún verður næsti sendiherra Íslands í Zimsenbabwe.

Guðrún Ögmundsdóttir er fædd í Reykjavík 19. okt. 1950. Kjörfor.: Ögmundur Jónsson (f. 18. apríl 1918, d. 31. jan. 1971) vélstjóri og bifvélavirki, yfirverkstjóri hjá Vita- og hafnamálastofnun og k. h. Jóhanna J. Guðjónsdóttir (f. 16. febr. 1918, d. 23. des. 1986). Móðir: Hulda Valdimarsdóttir (f. 10. sept. 1922, d. 13. sept. 1981). M. (18. apríl 1990) Gísli Arnór Víkingsson (f. 5. ágúst 1956) cand. scient, sérfræðingur hjá Hafrannsóknastofnun. For.: Víkingur H. Arnórsson læknir og prófessor og k. h. Stefanía Gísladóttir. Börn: Ögmundur Viðar (1977), Ingibjörg Helga (1992).

Lauk námi í félagsfræði og félagsráðgjöf frá Roskilde Universitetscenter 1983, framhaldsnám við sama skóla í fjölmiðlafræði 1983-1985, cand. comm.-próf 1985.

Vann ýmis störf áður en nám hófst, m.a. á dagskrárdeild ríkisútvarpsins, var sviðsmaður í Þjóðleikhúsinu, uppeldisfulltrúi við sérdeildir Hlíðaskóla og starfaði á Greiningar- og ráðgjafarstöð ríkisins. Starfsmaður SÍNE 1985-1988, verkefnisstjóri hjá LÍN, handleiðsla hjá Styrktarfélagi vangefinna, framkvæmdastjóri námskeiða fyrir aðstandendur fatlaðra barna og félagsmálafulltrúi hjá Sjálfsbjörgu. Yfirfélagsráðgjafi á kvennadeild Landspítala 1988-1994 og stundakennari við læknadeild og félagsvísindadeild HÍ. Deildarstjóri í félagsmálaráðuneytinu 1998-1999.

Guðrún hefur nýlega lokið afrónámskeiði í Kramhúsinu.

Eiginmaður Guðrúnar, Gísli Víkingsson, mun flytja út með henni og mun leiðbeina Zimsenbabwískum veiðimönnum um sjálfbæra nýtingu og vísindaveiðar á trúvilltum dvergum.

Verðlaunaskáldið Ladros X Jr. hlýtur fyrstu verðlaun í smásagnakeppni Interfax

Smásagan "Jórtaðu Guði" e. Ladros X Jr.

Þegar rignir fæ ég oft höfuðverk sem leiðir jafnan niður að mjóhryggnum en slöngvar sér yfir rófubeinið og beinustu leið upp í endaþarm. Þetta segja læknarnir að gerist vegna þess að ég er með stálplötu í höfðinu. Hugsanir mínar eiga það til að endurkastast á þessari plötu og geta þá hæglega endað innan um ecoli nærfata minna og lónað í limbóinu á misvelsnyrtri spönginn (hinu ónumda landsvæði). En, en, en þótt ekki sé ég sérlega þröngrassa í andlegum skilningi hef ég geysisterkan sphincter ani externus, sem virkar sem nokkurs konar ruslpóstsía og hleypir aðeins tærum hugsunum aftur inn í óæðri enda minn. Þaðan sjúga smáþarmarnir aftur til sín það sem vit er í og ég hef tækifæri til að beturumbæta og endurvinna það þegar hann hangir þurr. En það má því segja að ég jórtri hugsunum. Ég er kýrskýr. Laki, vinstur, keppur og vömb. Æ en þessi seyðingur í höfði mér, hvenær hættir hann?

Tilkynning frá almannavörnum: Varist villidverga!

Tvíburi var étinn af villidverg í vesturhluta Zimsenbabwe á þriðjudag. Tvíburinn var ásamt ellefu langhlaupurum að fara yfir grunna á nærri bænum Priklopil þegar villidvergurinn réðist skyndilega á hann og dró hann með sér á brott. Hinir langhlaupararnir náður að spretta frá villidvergnum og komust ómeiddir frá atvikinu. Eftir nokkra leit að tvíbuarnum fundu ættingjar hans höfuð hans um 500 metra frá þeim stað sem árásin hafði átt sér stað.

Til stendur að leita villidverginn uppi, en þetta mun vera í fyrsta skipti svo vitað sé að villidvergur ráðist á langhlaupara með þessum afleiðingum á þessu svæði, enda hafa villidvergar ekki þótt sprettharðir til þessa. Þó er hefur komið fyrir að þeir ráðist á hástökkvara.

Fyrstu villidvergarnir voru uppgötvaðir af Dr. Rupert D'ranged (sjá mynd) í frumskógum Zimsenbabwe. Til að byrja með virtust þeir skaðlausir og neyttu aðeins grænmetis. Fljótlega fór að bera kjöthneigð og fyrstu staðfestu víg villidverga áttu sér stað árið 1934. Talið var að náðst hefði að útrýma villidvergum á sjöunda áratuginum en þeir hafa þó skotið upp kollinum af og til síðan þá.