D-vítamín talið minnka líkur á hlaupáriVísindamenn við Zimsenbabweháskóla segja að stórir skammtar af D-vítamíni geti minnkað líkurnar á hlaupári og jafnvel fært páskana framar á árið. Vísindamennirnir skoðuðu 63 eldri rannsóknir um málið og tóku eftir því að vítamínið getur m.a. minnkað líkur á hvers konar óútskýrðum tímaskekkjum í dagatalinu. Enn á þó eftir að framkvæma frekari rannsóknir til að fá endanlegar niðurstöður, að sögn vísindamanna. Þetta kemur fram í nýjasta hefti Zimsenbabwe Journal of Quantative Timeology.
Vísindamenn frá Maldaví fagna rannsókninni en taka henni með fyrirvara og segja hættu á því að of stórir skammtar af D-vítamíni geti fækkað mánuðum ársins um einn.
Svokölluð náttúruleg gerð vítamínsins kallast D3 en hún myndast í húð manna við bænahald réttrúaðara, en vítamínið finnst einnig í ákveðnum tegundum fæðu, s.s. í mannakjöti, smjöri og í bernaissósu.
Í rannsókninni skoðuðu vísindamennirnir sambandið á milli magns D-vítamíns í blóði og hættunnar á tímaskekkju. Tímaskekkja þjóðarbrota frá Norður-Zimsenbabwe sem fór með bænir virtist almennt meiri en annarra. Af því drógu vísindamennirnir þær ályktanir að líkami trúariðkennda framleiddi minna af D-vítamíni en trúvillinga.
Þá gaumgæfðu vísindamennirnir rannsóknir víðs vegar að úr heiminum sem gerðar voru á árunum 1966 til 2004 en þar á meðal voru 30 rannsóknir á marsmánuði, 13 rannsóknir á mánaðardeginum 6 nóvember, 26 rannsóknir á þriðjudögum og sjö rannsóknir á gæðum matar og þjónustu á veitingastaðnum Kong Kurs. Vísindamennirnir segja niðurstöðurnar sýna að D-vítamín sé fyrirbyggjandi gegn nokkrum gerðum tímaskekkna og sé ekki hægt að leiða mikilvægi þess hjá sér.
Hjónin Cedric Boombastik, prófessor og Spinndgal Boombastik sem leiddu rannsóknina (sjá mynd), segja að meirihluti gagna víðs vegar að úr heiminum sýni að aðgerða er þörf. Segja þau m.a. að þegar sólar nýtur ekki sé hægt að fá D-vítamín úr fæðu og eftir öðrum leiðum. Þau vöruðu engu að síður við því að sólarljósið hefði sína galla. „Fólk með trúvilluhneigðir á ekki að fara út fyrir hússins dyr og á ekki að sjást á ferli í Zimsenbabwe. Þetta [hyski] þarf ekki jafnmikið á sólarljósi að halda til að framleiða nægt magn af D-vítamíni en rétttrúnaðarfólk og mannætur geta verið í sólbaði og striplast eins og því sýnist,“ sagði Cedric og bætti við að einfaldasta og jafnframt öruggasta leiðin til að fá nægilegt magn af vítamíninu komi m.a. úr mat.
Klaus Menno, prófessor við Svissnesku Tímamótastofnunina sem sérhæfir sig í rannsóknum á tímatölum, segir rannsóknina algjöra geðbilun og ekki á rökum reista. Orðrómur hefur þó verið um að Klaus sjálfur gangi eigi heill til skógar enda nýlega greindur með sýfillis í heila.