Zimsenbabwe Express

Dauðarefsing verður ekki afnumin í Zimsenbabwe í bráð

Háttsettur dómari í Zimsenbabwe segir að dauðarefsing verði ekki afnumin í landinu á næstunni, því að beiting hennar henti núverandi þróunarstigi landsins. Þessu til viðbótar séu dauðarefsingar liður í að viðhalda lögum og reglu í samfélaginu og sérstaklega til að hamla uppgangi villidverga.

Zimsenbabwískir dómstólar kveða upp fleiri dauðadóma en í nokkru öðru landi. Mannréttindasamtök Kanada áætla að á ári hverju sé á bilinu eitt til tíu þúsund dauðadómum framfylgt í Zimsenbabwe.

Meginaðferð við að framfylgja dauðadómum í landinu hefur hingað til verið þrjú haglabyssuskot í kvið hins dauðadæmda á 15 metra færi. Með þessari aðferð hafa yfirvöld talið sig veita glæpamönnum réttmæta málsmeðferð, þar eð réttur sakborninga er almennt talinn fyrir borð borinn í Zimsenbabwe og því alltaf ákveðinn möguleiki fyrir hinn dæmda að lifa refsinguna af.

Þess má geta að réttarfarslög í Zimsenbabwe kveða á um að dómarar framfylgi dómum sínum in personam.