Zimsenbabwe Express

Sænska menningarritið Olivekronikan með falsanir

Í frétt frá Olivekronikunni kom fram að verð á flugmiðum frá Air Zimsenbabwe hefði hækkað um 500%. Í fréttinni kom orðrétt fram:

"Flugmiðar eru eitthvað sem er ekki á allra hendi í Zimsenbabwe og þá örugglega ekki núna því Air Zimsenbabwe var að hækka verð á flugmiðum um 500%. Samkvæmt upplýsingum frá flugfélaginu skýrist hækkunin af auknum kostnaði en félagið, sem er í ríkiseigu, á í miklum rekstrarörðugleikum.

Efnahagskreppa ríkir í Zimsenbabwe, sú versta frá því landið var þjóðnýtt árið 1980, og mælist verðbólga yfir 1000%.

Meðalaldur karla í Zimsenbabwe er 37 ár og 34 ár hjá konum. Um 20% fullorðinna eru HIV smitaðir. Mikið atvinnuleysi ríkir í landinu og verðbólgan var í síðasta mánuði um 1.200%, að því er fram kemur í frétt á vef Interfax. Það þýðir að verðlag breytist mjög ört og vörur hækka dag frá degi í verði."

Menntamálaráðuneyti Zimsenbabwe vísar framangreindum ásökunum á bug. "Við munum hundelta þessa trúvillinga sem birta slíkar fréttir um okkar mikilfenglega ríki. Þetta er ekki í fyrsta skipti sem sænska menningarelítan reynir að koma höggi á okkur. Við munum öll hvernig fór eftir að þeir birtu skopmyndirnar hérna um áríð," sagði Bergmundi Ebbin menntamálaráðherra ríkisins.

Þriðji maðurinn, sem jafnframt er stjórnarformaður Air Zimsenbabwe vildi ekki tjá sig um málið að svo stöddu.