Zimsenbabwe Express

Mannæta kærð fyrir óhefðbundar kennsluaðferðir

Mannæta sem er kennari í líffærafræði við Matvælaháskólann í Zimsenbabwe hefur verið kærð fyrir að hafa tekið iður sín út og þvegið þau í miðri kennslustund. Kennarinn, Mannfirth S. Nrgalin, vildi með því leggja áherslu á námsefnið, en hann var að fræða nemendur um teygjanleika þarmanna. Nrgalin hneykslaði nemendur þó nokkuð en vildi með þessu sýna fram á mikilvægi iðranna til pylsugerðar og kveða niður fordóma gagnvart matvælum sem notuð hafa verið við pylsugerð, að því er Interfax greinir frá.

Kennarinn hafði áður tekið lifur úr dverg í tíma auk þess að hafa gefið sýnikennslu í nýrnabökugerð án samstæðra nýrna, sem þykir nýlunda í Zimsenbabwe. Þá bauð hann nemendum einnig að smakka pylsu sem gerð var úr föðurbróður hans. Þessi kennsla mun hafa fengið á marga nemendur sem fengu nokkrir flog og sumir stukku útum glugga af 2. hæð.