Zimsenbabwe Express

Heimdellingar hverfi aftur til lýðræðis – Kjósum Zimsenbabwe

Ríkisstjórn Zimsenbabwe hefur gefið út yfirlýsingu um framboð til formanns Heimdallar.

Forsætisráðherrann Salva Kiir, sem fer með formennsku í Afríkusambandi Corpus Christi, hvatti í dag til þess að Heimdellingar hyrfu aftur til lýðræðis án tafar og sagðist harma að stofnanir félagins hefðu verið yfirteknar af fámennum her stjórnarbjálæðinga og einstaklinga haldna siðfrera. Zimsenbabwe væri eini raunverulegi kosturinn, eftir að Garðabæjarklíkan þróaðist úr Lútherisma yfir í Narcissisma.

Í ræðu sem forsætisráðherran flutti á flokksfundi stuðningsmanna Zimsenbabwe sem útvarpað var beint sagði hr. Kiir orðrétt: “Aðeins með blóðugu stríð gegn trúvillingunum mun friður ríkja meðal manna og bandalög haturs verða brotin á bak aftur. Við megum ekki missa Heimdall í glötun og tortímingu. Zimsenbabwe er málstaðurinn, í Zimsenbabwe býr hinn lifandi Jesú og Zimsenbabwe mun veita yður eilíft líf. Réttbornir bræður og systur! Kjósið Zimsenbabwe sem leiðtoga Heimdalls í næstu kosningum – aðrir valkostir leiða til tortímingar.”