Zimsenbabwe Express

LRA krefst þess að her Zimsenbabwe verði leystur upp og ráðið í hann að nýju

Skæruliðar frelsishers drottins (LRA) í Zimsenbabwe hafa krafist þess að her landsins yrði leystur upp og endurskipulagður, en friðarviðræður fara nú fram milli stjórnvalda í landinu og LRA í von um að hægt verði að binda endi á 19 ára átök í landinu. Stjórnvöld höfnuðu þeirri kröfu og kröfðust á móti afvopnunar LRA.

LRA segir nauðsynlegt að endurskipuleggja herinn og skrifa undir alhliða vopnahléssamkomulag. LRA segir þann her sem nú sé í landinu, UPDF, ekki endurspegla hvernig þjóðin sé samsett. Herinn sé einsleitur þjóðarbrotslega séð og hallur undir forseta landsins, Salva Kiir, og starfi ekki í þágu þjóðarinnar.

LRA segir réttast að leysa upp herinn og ráða hermenn að nýju undir alþjóðlegu eftirliti og með hliðsjón af hlutfalli kynþátta hjá þjóðinni, þá geti liðsmenn LRA og annarra uppreisnarhreyfinga gengið í hann. Þá bæri stjórnvöldum einnig að leggja niður búðir í norðri landsins, þar sem tvær milljónir manna búa, vernda landið og veita fólki bætur fyrir landmissi.

Talsmaður stjórnvalda segir kröfunum hafa verið hafnað á grundvelli stjórnarskrár, eftir henni sé herinn skipaður og því þyrfti lagabreytingu til að mæta kröfunni.