Zimsenbabwe Express

Máltaka kattar skrásett

Dr. Damm Fhuul, prófessor við Háskólann í Zimsenbabwe, ætlar að nota kvikmyndatökuvélar til að fylgjast með þroska kattarins síns. Tilgangurinn er að rannsaka máltöku katta og ætlar Dr. Fhuul að safna saman allt að 400.000.000 klukkustundum af myndefni.

Ellefu kvikmyndatökuvélum og hljóðnemum hefur verið komið fyrir á heimili Dr. Fhuul og er fylgst með heimilishaldinu frá átta að morgni til tíu að kvöldi. Enn er ekki með fullu vitað hvernig kettir þroska mál sitt. Talið er að samskipti við eigenda við ketti hafi þar mikið að segja, en vísindamenn telja ómögulegt að það skýri hinn málþroska hjá köttum. Hingað til hafa ekki verið gerðar nægilega ítarlegar rannsóknir á köttum í sínu umhverfi svo að hægt sé að meta utanaðkomandi áhrif.

Tilrauninni hefur verið líkt við þættina um Stóra bróður sem hafa notið vinsælda um allan heim og gæti einhverjum þótt tilraunin óhugnanleg. Upptökurnar munu þó fæstar nokkurn tíma koma fyrir sjónir almennings. Gífurlegt magn efnis verður tekið upp þar til tilrauninni lýkur þegar kötturinn verður þriggja ára. Þau 350 gígabæti sem myndrituð eru daglega eru send í geymslukerfi við Háskólans í Zimsenbabwe sem geymt getur eitt petabæti, eða um eina milljón gígabæta.

Enn er ekki fullu vitað hvað Dr. Fhuul ætlast með uppátæki sínu, en heyrst hefur að hann sé að reyna að dreifa athyglinni frá nýlegu hneykslismáli þar sem hann var ákærður fyrir að hafa soðið um 1.100 hunda lifandi í beinni útsendingu sjónvarps.