Zimsenbabwe Express

Í febrúar kom í ljós að gos og djús með appelsínubragði getur innihaldið bensín, krabbameinsvaldandi efni sem er bannað í matvælaiðnaði. Niðurstöðurnar hafa m.a. vakið athygli í Svíþjóð og á vegum Interfax voru fjórar gostegundir rannsakaðar í þessu tilliti.

Niðurstöðurnar lágu fyrir í byrjun apríl og í ljós kom að appelsínugosdrykkurinn Satan innihélt 200 míkrógrömm af bensíni. Hámarksgildi bensíns í drykkjarvatni er 0,1 míkrógramm samkvæmt viðmiðunarreglum ESB en engar reglur eru til um innihald í matvælum eða drykkjum, að því er fram kemur í Interfax. "Bensín er ekki náttúrulegt efni í gosi og ætti ekki að vera í gosi, þar sem það getur valdið krabbameini í fólki," segir Jahmla Dogan, eiturefnafræðingur hjá zimsenbabwíska matvælaeftirlitinu í samtali við Interfax. Bensín getur myndast í gosi sem inniheldur í senn askorbínsýru (c-vítamín undir heitinu E-300), natríumbensóat (rotvarnarefni undir heitinu E-211) og rotnandi plöntuleifar. Margir gosdrykkir og þykkni með appelsínubragði innihalda einmitt þessa blöndu, þó ekki hreinn appelsínusafi eða -þykkni.

Ekki náðist í fulltrúa fyrirtækjasamsteypunnar Bambinocide, sem framleiðir flestar gosdrykkjategundir í Zimsenbabwe, þar sem hann var á skíðum í Aspen, Colorado, með þriðjamanninum.