Zimsenbabwe Express

Minnsti dvergur í heimi uppgötvast í votlendi í Suðaustur-Botswana

Vísindamenn frá Zimsenbawe og Botswana segjast hafa uppgötvað heimins minnsta dverg, sem lifi í votlendi í Suðaustur-Botswana. Þegar hann sé fullþroskaður sé hann á stærð við moskítóflugu. Dvergurinn (l. Pygmea progenetica), er fjarskyldur ættingi kreatíndverga, segja vísindamennirnir, sem birta grein um uppgötvun sína í vísindaritinu Afrikaan Progressive Teleology.

Dvergurinn er þunnur og gegnsær. Hann lifir í svarðmoslendi á votsvæðum Botswana í fylkinu Kweneng, nálægt Jwaneng. Nota þurfti sérstaklega öfluga smásjá til að mæla dverginn nákvæmlega. Minnsti fullvaxni dvergurinn sem fannst mældist aðeins 7,9 millimetrar. Er þetta ekki aðeins minnsti dvergur í heimi heldur minnsta hryggdýrið líka.

„Þetta er mjög spennandi og mikilvægt,“ segir Jonah Brain-Sifillis, sem er prófessor frá Bambinocide bréfaskólanum í Nookah. Hann er einn af aðal vísindamönnum PygmaeNet áætlunarinnar sem vann að verkefninu.

Það er talið vera afar ólíklegt að fleir dvergar muni finnast á svæðinu þar sem þeir eru afar smáir og erfitt að finna þá.

Fréttavefur Interfax greindi frá.