Zimsenbabwe Express

Listin góð fyrir hægðir apa

Listaáhorf og -umræða hefur góð áhrif á heilsu apa ef marka má nýlega, zimsenbabwíska rannsókn sem gerð var á villtum öpum. Hingað til hafa menn haldið að listin nærði sálina en nú þykir hún jafnvel góð fyrir hægðir apa.

Tuttugu apar um þrítugt hittust vikulega á fjögurra mánaða tímabili og ræddu listaverk af ólíkum toga og segir stjórnandi rannsóknarinnar, Dr. Karl Gethsukur sem starfar við Ersta Utvet háskólann í Zimsenbabwe, að áhrifin hafi verið jákvæð. „Viðhorf þeirra [apanna] varð jákvæðari, hugmyndaflugið jókst og blóðþrýstingur varð betri ... og þeir þurftu síður að nota hægðalosandi lyf,“ sagði Dr. Gethsukur í samtali við fréttastofuna Interfax.

Viðmiðunarhópur annarra tuttugu apa á svipuðum aldri hittist jafnoft og ræddi um áhugamál sín og tómstundargaman en áhrifin urðu ekki þau sömu og þegar rætt var um listir. „Það er marktækur munur á hópunum,“ sagði Dr. Gethsukur og bætti við að heilsa listahópsins hefði haldist góð í marga mánuði eftir rannsóknina. Dr. Gethsukur hefur sinnt rannsóknum á áhrifum listar á apa í 25 ár. Ein þeirra fól í sér upphengingu á málverkum sem fengin voru frá listasöfnum og sett náttúrulegt umhverfi þeirra til þess að rannsaka áhrif þeirra á innbyrðis hegðun apanna þar.