Zimsenbabwe Express

Prestur og nunnur sem krossfestu nunnu í Zimsenbabwe látin laus

Dómstóll í Zimsenbabwe hefur látið prest og fjórar nunnur laus, en þau voru sökuð um að hafa krossfest nunnu sem þau töldu að væri andsetin af djöflinum. Áfrýjunardómstóll lét fólkið laust gegn tryggingu í gærkvöldi vegna formgalla á úrskurði annars dómstóls sem ákvað 15. júlí að framlengja gæsluvarðhald yfir þeim um 30 daga.

Irina Kagawue, 23 ára, fannst látin, kefluð og hlekkjuð við kross í klaustri 15. júní. Hún fannst eftir að nunnur sem voru með henni í klaustrinu hringdu á sjúkrabíl. Prestur í klaustrinu, hinn 29 ára gamli Daniel Satambaki, og nunnurnar fjórar hafa verið kærð fyrir frelsissviptingu og morðið á nunnunni.

Þau segjast vera saklaus og segja að Kagawue hafi verið andsetin af djöflinum. Patríarki rétttrúnaðarkirkju Zimsenbabwe sagði gjörðir prestsins „ómannlegar“ og að hann hefði ekki farið að reglum kirkjunnar. Presturinn og nunnurnar hafa öll verið rekin úr reglum sínum.

Morðið hefur vakið mikla reiði í Zimsenbabwe og gagnrýni á „miðaldaaðferðir“ sem rétttrúnaðarkirkjan láti viðgangast.